हात्तीको आक्रमणबाट एक महिला घाइते

भद्रपुर । जंगली हात्तीको आक्रमणबाट मेचीनगर नगरपालिका–३ की एक महिला घाइते भएकी छिन् । घाइते हुनेमा ५५ बर्षीया डुकीसरी मेचे रहेको डिभिजन वन कार्यालय झापाले जनाएको छ । घर नजिकै रहेको निन्दा खोलामा नुहाउन जाने क्रममा उनलाई हात्तीले आक्रमण गर्दा गम्भीर घाइते भएकी थिइन् । घाइते मेचेको विर्तामोडस्थित विएण्डसी अस्पतालमा उपचार भइरहेको छ ।

गएराति बाहुनडाँगीमा लगाइएको विद्युतीय तारबार भत्काएर भारतबाट १६ वटा हात्ती नेपाल छिरेको डिभिजन वन कार्यालय झापाका प्रमुख युवराज मास्केले बताए । तिनै हात्तीमध्ये एकको आक्रमणमा परी उनी घाइते भएकी हुन् ।