एसइईको परीक्षा ०७८ जेठ १३ गतेदेखि

काठमाण्डौं २५ फागुन । माध्यमिक शिक्षा परीक्षा एसइईको परीक्षा जेठ १३ गतेदेखि २४ गतेसम्म हुने भएको छ । राष्ट्रिय परीक्षा बोर्डको मंगलबार बसेको बैठकले एसईई परीक्षाको मिति तय गरेको हो । बोर्डका परीक्षा नियन्त्रक रामराज खकुरेलले एसइई परीक्षा जेठ १३ देखि सुरू गर्ने निर्णय भएको बताएका हुन् ।

विद्यार्थी भौतिक रूपमा उपस्थित भएर नै परीक्षा हुनेछ । गत वर्ष कोरोना महामारीका कारण एसइई परीक्षा आन्तरिक मूल्यांकनबाट गरिएको थियो । बोर्डले कक्षा १२ को परीक्षा पनि जेठमा गर्ने तयारी गरेको छ ।