नवनिर्वाचित अध्यक्ष प्रकाश शिवाकोटी सम्मानित
बुधबारे २२ फागुन । बिर्तामोड उद्योग वाणिज्य संघका, नवनिर्वाचित अध्यक्ष प्रकाश शिवाकोटीलाई बुधबारे जेसीजले आज एक कार्यक्रमका बीच सम्मान गरेको छ । बुधबारे जेसीजका अध्यक्ष अनिल वाग्लेको सभापतित्व भएको कार्यक्रममा उनलाई सम्मान गरिएको हो । शिवाकोटी बुधबारे जेसीजको संस्थापक अध्यक्ष हुन ।
बुधबारे जेसीजका कार्यकारिणी उपाध्यक्ष अर्जुन ढकालको संयोजकत्वमा भएको कार्यक्रममा कानुनी सल्लाहकार गजुहाङ योङहाङले जेसीज आस्था पाठ गरेका थिए । कार्यक्रम संयोजक ढकालले स्वागत मन्तव्य राखेको कार्यक्रममा प्रमुख अतिथि उप्रेती, विशेष अतिथि बुद्धशान्ति उद्योग वाणिज्य संघका अध्यक्ष रुद्र चापागाई, विशेष अतिथि सामाजिक व्यक्तित्व गुरु ओली, अतिथि बुधबारे जेसीजका पूर्व अध्यक्ष सेमन्त पोखरेलले शुभकामना मन्तव्य राखेका थिए ।
कार्यक्रममा सम्मानित व्यक्तित्व शिवाकोटीले चुनावमा विजयी गराउन भूमिका खेल्ने सम्पूर्णलाई धन्यवाद दिँदै आफूले चुनावताका बोलेका कुराहरु अक्षरस पालना गर्ने प्रतिवद्धता व्यक्त गरे । उनले जेसीज युवाबाट समाजले सदैव सकारात्मक भूमिकाको अपेक्षा गर्ने हुँदा सोहि अनुरुप जेसीजमा आवद्ध युवा लाग्नुपर्ने धारणा राखे ।
कार्यक्रमका सभापति वाग्लेले बुधबारे जेसीजका संस्थापक अध्यक्षको विजयीले बुधबारे जेसीजलाई मात्र होइन सिँगो बुद्धशान्तिलाई पनि गर्वको अनुभूति भएको बताए । महासचिव सुजित बरालले संचालन गर्नुभएको कार्यक्रममा बुधबारे जेसीजका पूर्व अध्यक्षहरु फडिन्द्र चापागाई, सेमन्त पोखरेल, रमेश बराल, निर्वतमान अध्यक्ष नन्दकुमार याफू राई सहित बोर्डका पदाधिकारीको आतिथ्यता थियो ।