न्यानो कम्बल वितरण

गौरीगंज । गौरीगंज गाउँपालिका वार्ड नं. ५ ले वडा भित्रका लक्षित वर्गका व्यत्तिहरूलाई न्यानो कम्बल वितरण गरेको छ । वडा भित्रका एकल महिला, विधुवा महिला र अपाङ्गता भएका १७० जनालाई न्यानो कम्बल वितरण गरिएको हो ।

वडा अध्यक्ष विजय प्रसाद सिंह गन्गाईको अध्यक्षतामा भएको कार्यक्रममा वडाको सिलिङ्ग बजेटबाट छुट्टाएको २ लाख रूपैयाँबाट लक्षित वर्गलाई कम्बल वितरण गरिएको वडा सचिव अजाद अन्सारीले जानकारी गराएका छन् । वडा सदस्य तथा न्यायिक समिति सदस्य राजेन्द्र ताजपुरियाले स्वागत गरेको कार्यक्रममा वडा सदस्य देवनारायण सिंह गन्गाई, कैली देवी ऋषिदेव, लिलादेवी गन्गाई, कर्मचारी बब्ली कुमारी यादवलगायतको उपस्थित थियो ।