करेन्ट लगेर तुम्बाहाम्फोको मृत्यु

भद्रपुर  २६ असोज । करेन्ट लगाएर माछा मानेृ क्रममा पाँचथर फिदिमका २४ बर्षीय शिव तुम्बाहाम्फोको झापाको विर्तामोडमा मृत्यु भएको छ । फिदिम घर भएका तुम्बाहाम्फे बिर्तामोडस्थित आफ्नो सानीआमाको घरमा केही दिन अगाडी आएका बखत हिजो साँझ माछा मार्ने क्रममा अचानक करेन्ट लागेर मृत्यु भएको हो ।

घर नजिकै रहेको नालामा करेन्ट लगाएर माछा मार्ने क्रममा अचानक तुम्बाहाम्फे आफैलाई करेन्ट लाग्दा उनको घटनास्थलमानै मृत्यु भएको जिल्ला प्रहरी कार्यालय झापाले जनाएको छ । साथै उनी संगै माछा मार्न गएका हरिप्रसाद रिमाल भने घाइते भएका र उनको बिएण्डसी अस्पताल बिर्तामोडमा उपचार भईरहेको प्रहरीले जनाएको छ ।