कार्यकर्ता भेटघाटमा नेता सिटौला झापा आउँदै

दमक । नेपाली कांग्रेस कमल गाउँ समितिको अगुवा कार्यकर्ता भेटघाट तथा , पार्टीका नयाँ सदस्यहरुलाई स्वागत गर्ने कार्यक्रम तय भएको छ । भोली शुक्रबार कांग्रेसका पूर्व महामन्त्री तथा प्रभावशाली नेता कृष्ण प्रसाद सिटौलाको प्रमुख आतिथ्यमा कमल ५ पाडाजुँगीस्थित पूर्वपश्चिम हाइवेसंगै जोडिएको रोडस्टार पार्र्टी प्यालेसमा सो कार्यक्रमको तयारी गरिएको छ । सामाजिक दुरी कायम राख्दै, मास्क र सेनिटाइजरको समेत व्यवस्था गरेर सो कार्यक्रम सञ्चालनको तयारी गरिएको कांग्रेस कमलका सहसभापति राजकुमार न्यौपाने (राजु) ले जानकारी दिए ।

कांग्रेस कमल गाउँ समिति सभापति खगेन्द्र भण्डारीका अनुसार कार्यक्रममा पार्र्टीका अगुवा कार्यकर्ता र नवप्रवेशीहरुको उपस्थिती रहनेछ । सो अवसरमा नेता सिटौला र कांग्रेस झापाका सभापति उद्धव थापाले सम्बोधन गर्ने कार्यक्रम रहेको छ ।