झापामा आज दुइ जना संक्रमित

भद्रपुर । झापामा आज दुइ जना संक्रमित भेटिएकाछन् । संक्रमित हुनेमा सशस्त्र प्रहरी सीमा सुरक्षा बल काँकरभिट्टाका दुई प्रहरी जवानमा कोरोना संक्रमण देखिएको हो । वीपी कोइराला स्वास्थ्य विज्ञान प्रतिष्ठान धरानको प्रयोगशालाको आजको रिपोर्ट अनुसार उनीहरुमा संक्रमण देखिएको हो । जनस्वास्थ्य कार्यालय झापाका फोकल पर्सन जीवन चम्लागाईले संक्रमित दुबै जनालाई उपचारका लागि मोरङको गोठगाउँ लागिएको बताए । यो सँगै झापामा संक्रमितको संख्या ३ सय १८ पुगेको छ ।