भानु जयन्तिको अवसरमा बाल कविता प्रतियोगिता

भद्रपुर । आदिकवि भानुभक्त आचार्यको २०७ औ जन्म जयन्तीको अवसरमा चन्द्रगढीमा बाल कविता प्रतियोगिता सम्पन्न गरिएको छ ।

भद्रपुर ९ स्थित चन्द्रगढीमा रहेको देवकोटा स्मारक संरक्षण समितिको आयोजनामा स्थानीय बाल क्लबलाई सहभागी गराइ मुना सामुदायिक भवनको सभाहलमा कविता प्रतियोगिता सम्पन्न गरिएको हो ।

साहित्यकार बिरही अधिकारीको प्रमुख आतिथ्यमा सम्पन्न सो प्रतियोगितामा दिपेश दाहाल प्रथम , सन्दिप प्रसाईं, द्वितीय , नियति तिम्सिना तृतीय र झरना फुयलले सान्त्वना स्थान प्राप्त गर्न सफल भएका थिए ।

कार्यक्रममा समालोचक तारा विविध , नेकपा भद्रपुर अध्यक्ष शिवकुमार राजभण्डारी , महिला साहित्यकार कौशिला पौडेल लगायतले नेपाली भाषा , साहित्यमा आदिकवि भानुभक्त आचार्यले पुर्याएको योगदानका बारेमा चर्चा गरेका थिए ।

देवकोटा स्मारक संरक्षण समितिका अध्यक्ष सन्तोष पोखरेलको अध्यक्षतामा सम्पन्न कार्यक्रमको सञ्चालन राजु बराल र स्वागत लावण्यकुमार पोखरेलले गरेका थिए ।