नेपालमा आज २ सय ४ जना कोरोना संक्रमित थपिए

काठमाडौं । नेपालमा आज थप २ सय ४ जनामा कोरोना भाइरस संक्रमणको पुष्टि भएको छ भने ६८८ जना कोरोना संक्रमण मुक्त भएका छन् । योसंगै नेपालमा संक्रमितको कुल संख्या १६ हजार १ सय ६८ पुगेको छ भने कोरोना संक्रमण मुक्त हुनेहरुको संख्या ७ हजार ४ सय ९९ रहेको स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले बताए । उनका अनुसार (कोभिड–१९) संक्रमण पुष्टि भएका संक्रमितहरु सबैको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन् । संक्रमण पुष्टि भएकाहरुको सम्पर्कमा रहेकाहरुको कन्ट्याक ट्रेसिङ गर्ने कार्य भईरहेको मन्त्रालयले जनाएको छ । प्रवक्ता गौतमका अनुसार कुल संक्रमित मध्ये ४६.४ प्रतिशत कोरोना संक्रमण मुक्त भएका छन् ।